07.22

სტრუქტურის ნაწილები ადგილზეა.

მოაჯირისთვის განკუთვნილი ხის მასალა მეტი დრეკადობისთვის წყალში ჩავალბეთ და რიკულებს მივამაგრეთ. გარე ბოძები თავდაპირველ ადგილას დავაყენე. თნაპრალები და ჭრები ცარცითა და ნახერხია ფითხით ამოვავსეთ.

სამღებრო სამუშაოები ახლოვდწბა!

05.28

კონსტრუქციის მშენებლობა დაიწყო!

ცენტრალური სვეტი დაანკერდა რკინა-ბეტონის საძირკველზე. ასევე მიმდინარეობს კიბის: შუბლების, საფეხურების და კოჭების მონტაჟი. ყველა ძველ ელემენტს, რომელსაც არ ჰქონდა მექანიკური დაზიანება და არ იყო გამოფიტული, ჩაუტარდა სრული რესტავრაცია და დაუბრუნდა პირველადი სახე. კიბის ძირითადი კონსტრუქცია მიმაგრდა შენობის ხის კოჭებზე.

მალე დაიწყება მოაჯირების მოწყობის სამუშაოები!

02.27

კიბის პროექტი გრძელდება!

ახალი წლის დასაწყისში ფუნდამენტის მშენებლობა დავიწყეთ, ადგილზე მოვაწესრიგეთ ინფრასტრუქტურა. ამჟამად ღრმად ვწმენდთ კიბის ძველ, არსებულ ნაწილებს, რათა შევძლოთ მათი ხელახლა გამოყენება. ასევე მიმდინარეობს იმ დეტალების ფაბრიკაცია, რომელბსაც ჩანაცვლება ესაჭიროებოდა.

12.15

დაწყებულია საფუძვლის ჩაყრა, რომელზეც შემდეგ კიბე მოთავსდება. ხის დეტალების ფოტოდოკუმენტაცია და ფოტოგრამეტრია დასრულებულია.

ამჟამად ჩვენ კიბის ნაწილების კატალოგიზაციასა და მდგომარეობის შეფასებაზე ვმუშაობთ. ეს ანალიზი საშუალებას მოგვცემს თითოეული ნაწილის დაზიანებასთან გამკლავებაში მათი კონსერვაციისას.

11.22

კიბის დემონტაჟი დასრულდა.

ამჟამად, ჩვენ ვმუშაობთ ნაწილების გაწმენდასა და დოკუმენტირებაზე მომავალი კონსერვაციის პროცესისთვის.

11.04

პროექტი კიბე დაიწყო!

უახლოეს დღეებში დავიწყებთ დემონტაჟს და კიბის თითოეული ნაწილის დოკუმენტაციის პროცესს.
მალე გამოვაცხადებთ საჯარო ვორქშოფების სერიას, რომელიც ორიენტირებული იქნება კიბის თითოეული ნაწილის ფრთხილ კონსერვაციაზე.